CLICK HERE

வேண்டுகோள்.
*அன்பான ஆசிரிய போராளிகளே!!*
ஆரம்ப காலம் முதல் நமது அனைத்து சலுகைகளும் போராடிதான் பெற்று வருகிறோம். போராட்டங்களில் வெற்றி தோல்வி என்பது மாறி மாறி தான் வரும். போராட்டங்களும் போர்களங்களும் என்றும் மாறாது.நாம் இதுநாள் வரை கையில் எடுத்த கோரிக்கைகள் தோல்வி அடைந்தது இல்லை என்பதுதான் வரலாறு.தற்போது நமது கோரிக்கைகள் மிகவும் முக்கியத்துவமும் நியாயமும் மிக்கது.சற்று காலதாமதம் ஏற்படுமே தவிர இக்கோரிக்கைகள் நிச்சயம் வென்றெடுக்கப்படும். போராட்டத்தில் கலந்துகொண்டு கைதாகி சிறை சென்று தற்போது தற்காலிக பணிநீக்கத்தில் உள்ள ஆசிரியர் மற்றும் அரசு ஊழியர்கள் , மற்றும் 17B நடவடிக்கை மூலம் பணியிட மாற்றம் போன்றவற்றால் பாதிக்கப்பட்டுள்ள போராளிகளுக்கு வாழ்த்துக்களை தெரிவித்துக் கொள்கிறேன். பாதிக்கப்பட்ட ஆசிரியர்கள் மற்றும் அரசு ஊழியர்களை மீண்டும் பாதிப்பின்றி பணியமர்த்த மாநில ஜாக்டோ ஜியோ தொடர்ந்து நடவடிக்கை எடுத்து வருகிறது. ஆசிரியர்கள் மற்றும் அரசு ஊழியர்களுக்கு எந்தவித கலக்கமும் வேண்டாம். விரைவில் பாதிப்பின்றி நீங்கள் பணிக்கு திரும்ப மாநில ஜாக்டோ ஜியோ நடவடிக்கை மேற்கொள்ளும் என்ற உறுதியை தெரிவித்துக் கொள்கிறேன். அரசு ஊழியர் மற்றும் ஆசிரியர்களுக்கு ஒரு அன்பான வேண்டுகோள் மாநில ஜாக்டோ ஜியோ வின் அதிகாரப்பூர்வ தகவலை தவிர வேறு வகையான செய்திகளை பொதுத்தளத்தில் பரப்பி ஆசிரியர்கள் மத்தியில் குழப்பத்தை ஏற்படுத்த வேண்டாம். மேலும் நீதிமன்றம் குறித்து அரசு மற்றும் அலுவலர் குறித்து விமர்சிக்க வேண்டாம். அமைச்சர்களுடனும் அதிகாரிகளுடனும் ஜாக்டோ ஜியோ பேசுவது குறித்து மாற்றியோ, திரித்தோ, அதிகப்படியாகவோ, பொதுத்தளங்களில் பதிவிட வேண்டாம். இவ்வாறு நாம் விமர்சிப்பது பாதிக்கப்பட்டவர்களுக்கு நன்மையாக அமையாது. அருள்கூர்ந்து ஆவேசம் கொண்ட விமர்சனங்களை பொதுத்தளங்களில் வெளியிடுவதை நிறுத்திக்கொள்ள அன்போடு வேண்டுகிறேன்.
*செ. முத்துசாமி. Ex.MLC..*
*மாநிலத் தலைவர்*
*தமிழ்நாடு ஆசிரியர் கூட்டணி*

புதிய ஓய்வூதிய திட்டத்தை ரத்து செய்வது, 7-வது ஊதியக்குழு பரிந்துரைகளை உடனடியாக அமல்படுத்துவது, அரசுத் துறைகளில் பின்பற்றப்பட்டு வரும் மதிப்பூதியம், தொகுப்பூதிய முறைகளை நீக்குவது உள்ளிட்ட கோரிக்கைகளை வலியுறுத்தி கடந்த வாரம் தமிழகம் முழுவதும் 10 லட்சம் அரசு ஊழியர்கள், ஆசிரியர்கள் வேலைநிறுத்தப் போராட்டத்தில் ஈடுபட்டனர். ஆசிரியர்கள் போராட்டத்தில் பங்கேற்றதால் அரசுப் பள்ளிகள் இயங்கவில்லை. போராட்டத்தில் ஈடுபட்ட ஆசிரியர்கள் கைது செய்யப்பட்டனர். முதல்வர் மற்றும் எதிர்க் கட்சித் தலைவர்களின் கோரிக்கைகளை ஏற்று போராட்டத்தைத் தற்காலிகமாக வாபஸ் பெற்றனர் அரசு ஊழியர்கள்.

தமிழில் உள்ளதைப் போலவே ஆங்கிலத்திலும் 'தமிழ்நாடு' என பெயர் மாற்றும் வகையில், தமிழக அரசு நடவடிக்கை எடுத்து வருகிறது.

தமிழகத்தில் உள்ள ஊர்களின் பெயர்கள், ஆங்கிலத்தில், வேறு மாதிரியாக உள்ளன. அவற்றை தமிழில் உள்ளதைப் போலவே மாற்ற வேண்டும் என தமிழறிஞர்கள் கோரிக்கை விடுத்தனர். அதற்கு, தமிழ் வளர்ச்சித் துறை அமைச்சர், பாண்டியராஜன் ஒப்புதல் அளித்துள்ளார்.

: அரசு ஊழியர்கள் மற்றும் ஆசிரியர்கள் மீதான ஒழுங்கு நடவடிக்கையை திரும்ப பெறும்படி முதல்வருக்கு 'ஜாக்டோ - ஜியோ' அமைப்பு வேண்டு கோள் விடுத்துள்ளது.அரசு ஊழியர்கள் மற்றும் ஆசிரியர்கள் சங்கங்களின் கூட்டமைப்பான 'ஜாக்டோ - ஜியோ' நிர்வாகிகள் பணியாளர் நிர்வாக சீர்திருத்தத்துறை செயலர் ஸ்வர்ணாவை நேற்று சந்தித்து கோரிக்கை மனு அளித்தனர்.

 முதல்வருக்கு வேண்டுகோள் விடுத்தும் மனு கொடுத்துள்ளனர்.

மனுவில் அவர்கள் கூறியுள்ளதாவது

:முதல்வரின் வேண்டுகேளை ஏற்றும் எதிர் காலத்தில் கோரிக்கைகள் நிறைவேற்றப்படும் என்ற நம்பிக்கையிலும் வேலை நிறுத்த போராட்டத்தை வாபஸ் பெற்றோம்.பின் பணிக்கு சென்ற போது அதிகாரிகள் மேற்கொண்ட நடவடிக்கைகளால் முதல்வரின் வேண்டுகோளை நிறைவேற்ற முடியாத நிலைக்கு தள்ளப்பட்டு உள்ளோம்

.பணிக்கு சென்ற ஆசிரியர்களை வேறு பள்ளியில் சேரும்படி உத்தரவிட்டுள்ளனர். வழக்கு நிலுவையில் இருப்பதால் பணியில் சேர மறுக்கும் நிலை உள்ளது.

தற்காலிக பணி நீக்கம் ஒழுங்கு நடவடிக்கை எனக்கூறி பணி வழங்க மறுக்கும் நிலை உள்ளது.

 இதை உடனடியாக கைவிட வேண்டும். மாறுதல் பணியிட உத்தரவு வழங்கப்பட்டிருந்தால் அதை திரும்பப் பெற வேண்டும்.வேலை நிறுத்தத்தில் ஈடுபட்டவர்கள் மீதான அனைத்து நடவடிக்கைகளையும் திரும்பப் பெற வேண்டும்.

 அரசு ஊழியர்கள் மற்றும் அரசுக்கு உள்ள உறவினை சுமூகமாக்கி பணித்திறன் மேம்பட உதவ வேண்டும்.இவ்வாறு மனுவில் கூறியுள்ளனர்.

மாநிலம் முழுவதிலும் சுமார் 2.26 கோடி குழந்தைகளுக்கு வரும் வெள்ளிக்கிழமை (பிப்.8) குடற்புழு நீக்க மாத்திரைகள் வழங்கப்பட உள்ளன. இதற்கான அனைத்து ஏற்பாடுகளையும் பொது சுகாதாரத் துறை மேற்கொண்டு வருகிறது.தேசிய குடற்புழு நீக்க நாள் ஆண்டுதோறும் பிப்ரவரி 10-ஆம் தேதி கடைப்பிடிக்கப்படுகிறது.  அன்றைய தினத்தில் நாடு முழுவதிலும் 19 வயதுக்குட்பட்ட குழந்தைகள் மற்றும் சிறாருக்கு அல்பெண்டசோல் எனப்படும் குடற்புழு நீக்க மாத்திரைகள் வழங்கப்படுவது வழக்கம்.ஆனால், இம்முறை பிப்ரவரி 10-ஆம் தேதி ஞாயிற்றுக்கிழமை வருவதால், அன்று பள்ளி, கல்லூரிகள் செயல்படாது.

சென்னை: கட்டாய கல்வி உரிமை சட்டப்படி, ஐந்து மற்றும் எட்டாம் வகுப்புகளுக்கான, 'ஆல் பாஸ்' திட்டத்தை மாற்ற, பொது கல்வி வாரியத்தை கூட்டி, தமிழக அரசு முடிவு செய்ய உள்ளது.'மத்திய அரசின் இலவச மற்றும் கட்டாய கல்வி உரிமை சட்டப்படி, 14 வயது வரை, இலவச கல்வி வழங்க வேண்டும்' என, அனைத்து மாநிலங்களுக்கும் ஏற்கனவே உத்தரவிடப்பட்டது. இந்த சட்டத்தை பின்பற்றி, அனைத்து மாநிலங்களிலும், எட்டாம் வகுப்பு வரை, அனைத்து மாணவர்களும், 'பாஸ்' செய்யப்பட்டனர்.இந்த, 'ஆல் பாஸ்' முறையால், ஒன்பது, 10ம் வகுப்புகளுக்கு வரும் பல மாணவர்கள், அவரவர் மாநில மொழி அல்லது தாய்மொழியில் கூட, எழுதப் படிக்க தெரியாமல் திணறுகின்றனர். இது குறித்து, மத்திய அரசு தரப்பில் நிபுணர் குழு அமைத்து, ஆய்வு நடத்தப்பட்டது.இந்த ஆய்வின் முடிவில், எட்டாம் வகுப்பு வரையிலான, ஆல் பாஸ் திட்டத்தை நிறுத்த பரிந்துரை செய்யப்பட்டது. இது குறித்து, மத்திய அரசின் சார்பில், சட்ட திருத்த மசோதா உருவாக்கி, ஜனவரி, 2ல், பார்லிமென்டின் இரு சபைகளிலும் நிறைவேற்றப்பட்டது.இதைத் தொடர்ந்து, சட்ட திருத்தத்துக்கான மத்திய அரசின் அரசாணை, கடந்த வாரம் வெளியானது. அதில், தேர்வே நடத்தாமல், ஐந்து, எட்டாம் வகுப்பு மாணவர்களை, அடுத்த வகுப்புகளுக்கு தேர்ச்சி பெற வைக்கக்கூடாது.