தமிழக சட்டமன்ற பொதுத்தேர்தலில் பணியாற்றும் ஆசிரியர்களுக்கு ஏப்ரல் மாத இறுதியில் தேர்தல் தொடர்பான பயிற்சி வகுப்பு தொடங்க உள்ளது. தமிழகத்தில் பிளஸ் 2 மாணவர்களுக்கு, பொதுத் தேர்வுகள் நாளை நிறைவு பெறுகிறது. விடைத்தாள் திருத்தும் பணிகள் ஏற்கனவே நடைபெற்று வருகின்றன.

மொழி பாடங்களுக்கான விடைத்தாள் திருத்தும் பணி நடந்து வரும் நிலையில் முக்கிய பாடங்களுக்கு ஏப்ரல் 6ம் தேதி முதல் விடைத்தாள் திருத்தும் பணி தொடங்குகிறது. இதனை போன்று பத்தாம் வகுப்புக்கு மார்ச் 29ம் தேதி மொழி பாடத்தேர்வுகள் நிறைவு பெற்றுள்ள நிலையில் ஏப்ரல் 11ம் தேதியுடன் அனைத்து தேர்வுகளும் முடிந்து விடைத்தாள் திருத்தும் பணிகள் தீவிரமாக நடைபெற உள்ளது. இந்தநிலையில் விடைத்தாள் திருத்தும் பணிகளும் நிறைவு பெற்றுவிடும் நிலையில் தேர்தலுக்கான பயிற்சி வகுப்புகளை நடத்த தேர்தல் ஆணையம் திட்டமிட்டுள்ளது.

இதற்காக கால அட்டவணையும் வகுக்கப்பட்டுள்ளது. அந்த வகையில் வரும் ஏப்ரல் 24ம் தேதி முதல் கட்ட பயிற்சி வகுப்பும், மே 7ம் தேதி 2ம் கட்ட பயிற்சி வகுப்பும், 12ம் தேதி மூன்றாம் கட்ட பயிற்சி வகுப்பும் நடத்தப்பட இருக்கிறது. தொடர்ந்து மே 15ம் தேதி இறுதி கட்ட பயிற்சி வகுப்புடன் தேர்தல் பணி ஆணைகளும் வழங்கப்பட இருப்பதாக கூறப்படுகிறது.

முறைசாரா கல்வி இயக்குநராக பணியாற்றி வந்த திரு.மோகன்ராஜ் அவர்கள் 31.03.2016 அன்றுடன் பணி நிறைவு பெறுகிறார்.அவரது பணி நிறைவு பணியிடத்தில் தொடக்கக் கல்வி இயக்குநர் முனைவர் ரெ.இளங்கோவன் அவர்களுக்கு கூடுதல் பொறுப்பினை ஒப்படைத்து பள்ளி கல்வித் துறை முதன்மைச் செயலாளர் ஆணை வழங்கியுள்ளார்.தொடக்கக் கல்வி இயக்குநர் கூடுதல் பொறுப்பினை வரவேற்கிறோம் அவரை  வாழ்த்துகிறோம்.

எந்த பொறுப்பு ஒப்படைத்தாலும் அதை நளினமாக எடுத்துக்கொண்டு பக்குவமாக செயல்படுபவர் நமது தொடக்கக் கல்வி இயக்குநர் அவர்கள்.இந்த கூடுதல் பொறுப்பு ஜூன் மாதம் வரை நீடிக்கும்.இயக்குநர் பதவி உயர்வு பேனலில் பள்ளி கல்வி இணை இயக்குநர் (மேல்நிலைக் கல்வி) முனைவர் முத்து பழனிசாமி அவர்களும் பள்ளி கல்வி இணை இயக்குநர் ( பணியாளர் தொகுதி) முனைவர் அ.கருப்புசாமி அவர்களும் உள்ளனர்.
மெட்ரிக் பள்ளி இயக்குநர் பணியிடமும் முறைசாரா கல்வி இயக்குநர் பணியிடமும் காலியாக உள்ளதால் இருவருமே விரைவில் இயக்குநராக பதவி உயர்வு பெறுவார்கள் வாழ்த்துகிறோம
்tntf.in