தமிழக அரசு பள்ளிகளில் படித்து வரும் மாணவிகளுக்கு கராத்தே பயிற்சி அளிக்கப்படும் என பள்ளிக்கல்வித்துறை அமைச்சர் வீரமணி தெரிவித்துள்ளார்.
சட்டப்பேரவையில் இதுகுறித்து அவர் பேசுகையில், ''தமிழகத்தில் தருமபுரி, திருவண்ணாமலை, நாமக்கல், நீலகிரி மற்றும் சேலம் ஆகிய 5 மாவட்ட அரசு பள்ளி மாணவிகளுக்கு கராத்தே பயிற்சி அளிக்கப்படும். இந்த பயிற்சியில் 4,782 மாணவிகள் பங்கு பெறுவார்கள்.

மேலும், கல்வியில் பின்தங்கியுள்ள ஒன்றியங்களில் 9 ஆம் வகுப்பு படித்து வரும் மாணவர்கள் 32,563 பேருக்கு சிறப்பு பயிற்சிகள் வழங்கப்படும். அதேபோல், 100 அரசு உயர்நிலைப் பள்ளிகளுக்கு ரூ.20 லட்சம் மதிப்புள்ள விளையாட்டு சாதனங்கள் வழங்கப்படும்.
2014&15 கல்வி ஆண்டில் காலியாக உள்ள 3,459 ஆசிரியர் பணியிடங்கள் நிரப்பப்படும். அதேபோல், 75 ஆசிரியர் சார்ந்த பணியிடங்களும், 340 ஆசிரியர் அல்லாத பணியிடங்களும் நிரப்பபடும். மாவடட நூலகங்களில் உறுப்பினராக சேரும் முதல் 100 குழந்தைகளுக்கு கற்றல் உபகரணம் வழங்கப்படும்'' என்றார்